屬靈生命

其實... o係屬靈生命, 我仲係一個BB
做BB好自然望住大人, 就發現做大人真好
好希望自己快d變作大人

縱使爸爸媽媽不停地話: 做大人係要等待的
就好似一粒種子, 要使佢變成一棵有果子的樹
不止要心機, 還要時間

為左使自己呢個BB快d變成大人
好想走入大人的人堆中, 學習佢地的生活方式

好想快d大個啊~!

哈... 又會有d咁巧合的事?

哈... 唔知係人工的傑作,
定係咁o岩得o咁橋...
會有2粒荔枝o係度既?

已經唔係第一次講既三個僕人故事...

天國又好比一個人要往外國去、就叫了僕人來、把他的家業交給他們．按著各人的才幹、給他們銀子．一個給了五千、一個給了二千、一個給了一千．就往外國去了。那領五千的、隨即拿去做買賣、另外賺了五千。那領二千的、也照樣另賺了二千。但那領一千的、去掘開地、把主人的銀子埋藏了。過了許久、那些僕人的主人來了、和他們算帳。那領五千銀子的、又帶著那另外的五千來、說、主阿、你交給我五千銀子、請看、我又賺了五千。主人說、好、你這又良善又忠心的僕人．你在不多的事上有忠心、我要把許多事派你管理．可以進來享受你主人的快樂。那領二千的也來說、主阿、你交給我二千銀子、請看、我又賺了二千。主人說、好、你這又良善又忠心的僕人．你在不多的事上有忠心、我要把許多事派你管理．可以進來享受你主人的快樂。那領一千的、也來說、主阿、我知道你是忍心的人、沒有種的地方要收割、沒有散的地方要聚斂．我就害怕、去把你的一千銀子埋藏在地裡．請看、你的原銀子在這裡。主人回答說、你這又惡又懶的僕人、你既知道我沒有種的地方要收割、沒有散的地方要聚斂．就當把我的銀子放給兌換銀錢的人、到我來的時候、可以連本帶利收回。奪過他這一千來、給那有一萬的。因為凡有的、還要加給他、叫他有餘．沒有的、連他所有的、也要奪過來。把這無用的僕人、丟在外面黑暗裡．在那裡必要哀哭切齒了。
馬太福音 15:14-25

我越來越發覺我似果個只得一千銀子的僕人, 人大左發覺自己識的東西其實很少. 面對新的挑戰, 我第一句已經同自己講: 我不配. 我自知結果只會好似那個得一千銀子的僕人般, 最後只得哀哭切齒. 但其實連身邊的人都不停同我講: 您不配... "其實我真係不配, 我可以點做?"

暑假都仲要返學?

無錯... 暑假都仲要返學, 兜返埋果d無聊野...
好想休息呀... 好想拋棄哂所有野唔好理...
結果我又聽左YW的說話, 問我老大接左份野來睇
一攞來睇... 唉... 無乜心機...

咁YW唔係講得唔o岩既
早d做FYP, 咁可以下個sem take 18 credit...
但我自問無乜咁既恒心... 可能我太想休息...

扭蛋論

扭蛋說起上來, 就好似神的安排
一味靠神所賜予的運氣, 去到扭蛋機面前
去扭出神所賜與您的扭蛋
若扭蛋扭出來的, 係某些罕有的公仔
就會值得驚喜, 好好地收起扭出來的扭蛋,
天天對住這隻心愛的戰利品
若扭出來的係某些很平凡的公仔
就會好想放返入個扭蛋箱度
甚至送比人, 但係掉左佢又好似有點可惜
但神的恩典可不可以好像扭蛋般
鍾意就要, 唔鍾意就掉呢?
咁我又反問一句, 扭蛋的結果係咪您自己去決定?
因此就請您好好珍惜您扭出來的扭蛋
不論係扭到高達也好, 扭到戰機也好
就好似安然咁接受神的決定那般

今日終於病左...

今日終於在大堆工作面前... 病左...
臥在床上，仍不停咁諗野...
究竟Johnson會唔會因為病左所以比多D時間我做?
究竟我的戰友可唔可以為我做哂份doc佢?
究竟...

彷彿覺得我今日的病... 暫時離開我的戰友
都係神的安排...
我實在績壓左太多的壓力, 並且好多病又因此而來
我真係好需要呢1 日來幫我充電

只好幫我的戰友祈禱
好讓神的力量可以使用在佢身上
使佢可以如期完成份doc啦~

6月14日

呢將日實在忙到透...
連續一個星期 晚晚訓得果四五個鐘
仲慘過返工咁...

身體係咁keep on 響起響號
我已經無時間理
keep on 同屋企人講: 我得閒死都唔得閒病
佢地係咁煩我, 我發火趕佢地走叫話我咆哮

我只係想佢地過多2人先好煩我o者... 唔駛咁下話?

各位的弟兄姊妹麻煩您... 幫我祈禱...
舒緩我的病痛... 令我順利渡過呢2日...
好感謝大家~

6月13日

今日派了GPA... 終於過骨了...
放下心頭大石... 但還要感謝神,
神告訴我o係呢度學野的價值

今日的Oracle都Pre了... 看來不錯
沒有話要我們做多d野...
又即係過骨啦~

最後把心機放o係Rational Rose度...
搞掂哂就有個安樂茶飯食喇~
大休2個月, year 3再辛苦過...

我又被貼了...

（遊戲規則）

試說明五項你最想要的生日 / 聖誕禮物，
並點名七名網友不能有重覆，順度去他們的BLOG留言，告訴他們被點名了。

1 一段結實的愛情
2 神的愛
3 part-time 工作
4 去西藏旅行
5 高返d的GPA

1. 傳俾你既人係邊個?
小魚

2. 佢同你既關係?
ee... 係一個好好的生命的同伴, 係一個可以惟心置腹的朋友

3. 寫出你對佢既 5 個好印象?
1. 青春活力
2.愛玩
3.信任
4.同情心
5.好動

4. 佢對你做過最深刻的事?
當佢要搵暑期工的時候, 係都嚷著要我幫佢搵工
我上招職度幫佢搵, 搵完佢又要我幫佢遞信
我初初懷疑點解佢會咁信我, 可能呢個係神的說話呢
要我多d去關心呢位姊妹... 佢有需要我的地方, 我一定會去做

5. 佢同你講過最深刻的說話?
佢劏大魚... 我困住小魚...

6. 如果佢變成你既情人，佢有咩野令你鍾意佢?
我諗係果種天真活潑嘮...
雖然我不應為明天而憂慮...
但真正係不要為明天而憂慮, 係佢先做到

7. 如果佢變成你既情人， 佢有咩要改?
我覺得愛一個人係要接受對方的全部, 根本唔需要去改

8. 如果佢變成你既敵人，你會對佢做咩?
困住魚~ 魚要來放o係魚缸養的好

9. 如果佢變成你既敵人，佢咩野令你咁憎佢?
可能係某d情況佢不經意令我扯火啦...

10. 依家你最想佢對你做既一件事?
在黎明的海灘漫步

11. 對傳這份卷給你的人的印象?
　 啊伯, 電車男, ...

12. 你覺得周圍的人認為你是怎樣的人?
係個好鍾意渣住自己的一d優點去"幫助"人的人.. 但最後係令到果個人覺得反感...

13. 自己喜歡的個性是?
樂於助人, 同情心, 積極, 快

14. 相反的 , 討厭的個性是?
怕醜, 怕輸, 怕煩, 太古老(過度發育)

15. 自己想成為的理想類型是?
有乜型選擇? 我唔知呀... 但我知我係想做一個教書的先生.

16. 給關心自己、喜歡自己的人大喊一句吧!
來吧... 快燃點呢舊濕透的木頭吧!

17. 把這份問卷傳給你最想知佢地對你咩感覺的人
某人, amy姐, 3b, 科拉(宣教中), 利利仁(好耐無見佢喇...), 牛肉華, 仲有啊寶

6月11日

今日一起身就返左教堂喇...
返教堂第一件事就係上主日學
陳教師果堂之中, 今日來左2位長者
我地同陳教師討論緊對神的信心的問題
問自己點解信耶穌?
最初我正面對愛情的問題
而得到Amy姐的牽引來到團契當中
到而家因聖靈感動訓身落去愛神......
就算世上再沒有人使我被愛, 但一日還有神...

崇拜完之後去食團飯(團契的飯聚)
成枱人見到我係咁掃食剩的餸
都話: 呢個o靚仔一定仲發緊育(以為我好細)...
我做緊amy姐之嘛... ^v^
昨晚的唔開心比一個團友見到
今日又再見返佢, 一齊坐地鉄走
但係好似無乜點兩句...
點解還是您見著我的唔開心丫?

就好似一舊濕左水的木頭咁...
我每日都祈求神可以為我點著呢舊木頭
使佢的火不單會烝乾木上的水, 而且能夠發光發亮...

6月10日

唉... 朝早又o係度趕個oracle... -_-"
算啦... 咁個呀蛇係好人來既... 唔可以要求咁多

下午去左理大聽一個ICT的講座
呢3個講座其實我都想聽好耐...
只係Asso果陣無緣去睇
點知撞到我O camp個組豆喎...
開始前傾左一陣, 但係散左之後佢又趕住走喎
...

之後夜晚我去左敬拜讚美會...
神的話語話明要除去葡萄園的小狐狸(雅歌2:15)
但今日的表現, 證明我卻不能做到
特別係同愛情有關的事
我真係好唔開心...

舊歌一首:ONE 韓文版

내가 꿈꿔왔던 매일이 어느새 여기 그대 잡은 손으로 느껴져
어쩌면 너무 멀지 몰라 말하지 못했죠 숨겨왔던 그 마음도 모른 채로

그댄 어떤 마음인가요 그 눈 속에 비쳐온 언젠가의 미래마저도
모두가 다 내 것인가요 난 살아 있나 봐요 감사해요 모든 것 가졌으니

Someday I'll lay my love on you. Baby I don't wanna lose it now
Just one, 너뿐인걸
언젠가 우리 만난 날처럼 내가 살아가는 한 이유
오직 너를 위한, 맘뿐인 날, 알잖아

지난날이 내게 말해요 언제까지 영원할 수 있는 사랑인지
하루의 끝에선 언제나 날 기다려줘요 행복해요 이런 널 사랑할수록

영원할 수 있는걸요 세상 어느 곳에서라도
Just one, 너뿐인걸
내 삶의 한번뿐일 그 사랑 바로 그대밖에 없다고
나는 알고 있어 믿고 있어 영원히

얼마나 많은 사람 속에서 날 찾았나요 지금 그대의 곁으로 가요

I pray for this love to be true 세상 어느 곳에서라도 miss you, my baby you
조금 더 내게 머물러줘요 이 시간들을 넘어서 거짓말처럼
달라지는 매일로..

Someday I'll lay my love on you. Baby I don't wanna lose it now
Just one, 너뿐인걸
언젠가 우리 만난 날처럼 내가 살아가는 한 이유 오직 너를 위한, 맘뿐인 날
알잖아

中文歌詞

我所夢想的每一天 不知從何時起
從現在抓住的妳手中感受的到了
或許因為實在太遙遠 所以無法說出
就連那隱藏的心都不了解
妳是什麼樣的心情呢
就連那雙眸中所投射出的未來
也都是屬於我的嗎
我可能是活著的吧 很感恩
因為我擁有了全部
Someday I ll lay my love on you.
Baby, I don't wanna lose it now
Just one 只有妳
就如我們相遇的日子
我活下去的唯一理由
只有我那為了妳的心
妳知道的
過去的日子告訴我
這到底是可以永遠到何時的愛情
請在每一天的盡頭 等待著我
好幸福 愈愛這樣的妳就愈
可以到永遠的 不管在世界何處
Just one 只有妳
我人生中唯一的愛情
就是只有妳
我知道 也相信
永遠的
在多麼多的人當中找尋到我的呢
我現在正奔向妳身邊中
I pray for this love to be true
不管在世界何處
miss you, my baby you
請停留在我身邊再一下
飛越過這時間 就像謊言一般
奔向改變的每一天
Someday I ll lay my love on you.
Baby, I don't wanna lose it now
Just one 只有妳
就如我們相遇的日子
我活下去的唯一理由 只有我那為了妳的心
妳知道的

6月9日

今日返workshop果陣, 望住個天...
嘩... 係咁落狗屎...
一陣, 蘇生同我講: 已經黑色暴雨警告喇...
我仲答佢: 黑雨都無得走丫... 仲要愁陣間點食飯

今日Johnson哥捉左我來一齊討論果樣野其實好o岩架
但我個人都睇法唔係咁lor...
就算您有一張好利好利的刀都好
若果一日無野您切
若果一日無要您發揮的地方
把刀都係一把廢的刀
功夫仍然擺脫唔來時勢
功夫係自己的 時勢係天的安排
所以我就唔係好同意佢把知識
係過份"工作oriented"的想法喇...

唉... 今次呢個workshop... 真係太有意義喇...
全部人走哂去搞matlab... 搞到我要獨擔大旗...
唔係話我唔想比組員搞,
而係其他人全部搞緊其他野,
咁只有我自己搞住先啦
但係又未到放心的時候... 我可以點?
Deadline driven係HKBU學生的特性來架喇
好似上個sem咁... sem頭乜都唔做, o係度hea
搞到sem中間sem尾係咁做做做...
機器都散架~ 我唔係超人來架!

其實我好敬重Johnson哥, 佢一定係個好的先生
全班的人我都聽到o係度媽叉佢,
但係我真係會同佢一齊研究野lor...
如果佢第日可以做左prof的話

6月8日

前排某人有個朋友佢返左來香港, 返一個禮拜咁大把
但係好似大家日日都唔得閒咁, 一係佢唔得閒, 一係某人唔得閒
於是我幫佢祈求下, 希望神會安排一次見面的時間比佢地
點知睇返佢個xanga, 今日終於見面~ 真係為佢而高興!

唉... 點解呢個dept搞到d 份課好似捱騾仔咁架?
同老細講過, 可唔可以推後d個deadline全部一齊交架
佢好似講到所有人都係唔到最後一刻先做野咁
係咁逼您做野, 乜機器都散啦~~~
好心您啦... 玩散自己學生唔係一件好事來架~

6月7日

今晚食左好多親愛的老媽整的魚香茄子...好飽!

今日開始終於來科lu...
之前soft end 啊3b講到Oracle Form Developer咁好用
點知九百萬樣野限制... 唉...
我寫PHP仲好啦!!
但為左交功課, 無辦法啦~
我呢d同學仔咁人微言輕

今日做果個Oracle做到我攰死喇...
今晚決定停工, 好好抖下...

某人話佢好想見好想見一個o係外國好耐的朋友
佢同係返來一個禮拜
但係就偏偏無時間見...
希望神會真係安排見面的時間比佢啦~

我部電話已經病入膏肓喇...
6280... 您快d來啦...

6月5日

哈哈... 今日開始上matlab...
發現呢堂真係真係好有用
雖然d野真係唔易做,
但係都好快做得哂~
看來呢個戲肉其實已經來左 ...

見到班同學真係...
o係lab度玩...
連TA都不禁講, 您地做下野啦
如果唔係就唔夠出便d人打架喇
講真一句, 我真係不禁為佢地祈求下
點解班人會係咁??

6月3日

今日test 完放學 定o係行出校的時候
見到有個眼睛有問題的大叔
我估佢係呢度的員工來的

我見佢o係度不停咁拍打附近的環境
正要搵路 我就好心咁帶佢落地鐵站
無理度附近我d同學點睇

o係我地行落去地鐵站的過程中
佢講左好多野我聽...
但我感到的係
四肢健全的人... 能夠跑跑跳跳
從來很少對自己的能力而心足
反而又想要自己瘦身, 又要搵好多錢, 又要好靚的衫...
相比起一個有傷殘的人
佢地身上可能缺少左1 d野
但佢地沒有對上天少給佢地1 d恩賜而怨神
反而好好地存活下去, 活得一天比一天豐盛

6月1日

發現我地個workshop其實係有用心的...
就係唔想我地個個日日都3-4點訓 12-13點先起身
想像下如果無左個wokrshop,
又唔打算搵工做, 咁就好自自然然咁 晚晚打機打到三四點
咁就好自自然然咁成下晝一點先起身
咁會好攰架... 成日好似唔夠訓咁...
其實我都唔係好明, 點解而家d同學
好鐘意趕deadline架喎... 咁咪會做死人?!
可能係大學自己都有問題...
個個禮拜係咁要人地捱騾仔咁捱
機器都係殘啦~
所大家要養成返早睡早起的習慣
唔好再咁"趕deadline"喇