5月31日

今日被逼出左街, 好無無聊聊咁...

走到熟識的海邊... 雖然對住繁忙的公路,
但係不禁咁仰天向神祈求:
"神啊, 您萬事都能作
您能看穿我的內心
就請您關注我對戀愛的渴望
分配一個合您心意的俾我
只要是神所分配的
我一定會好好珍惜
好好的對待佢
不要他有半分的擔憂"
我祈求左好多好多次
希望神真的答允我所求啦...
我自問用我自己的能力,
根本沒法達成這件事
愛情實在太容易了... 太容易了...
但我竟然不能做到...
甚至身邊的朋友
我求過他們, 但都無法幫我去達成我的願望
人所不能作的, 就只有神才能作...

5月28日

好想買6280... 但係神不斷同我講... 我唔可以亂使錢...
我部電話又未壞... 算啦...
只好同自己講: 我好手緊... 唔好買住...

5月26日

今日又去事奉... 結果搞到好夜先返到屋企... 好攰...
好驚數錯數, 點知真係爭60蚊, 最後o係個tissue盒內發現果60蚊...
真係好感恩啊... 咁都搵得返...

今日workshop果個先生, 同之後果個workshop果個先生
估唔到我同佢地都係City出來既...
唔怪得大家d approach咁似...
傾左一個好投契的下晝

去佐敦事奉的中途, 見到有架BB車
BB車上有2個細路, 睇樣似印巴藉人士
但係好久都唔見佢地的父母... 佢地的父母呢
心想佢地的父母唔會掉低架BB車唔理下話
這是佢地的骨肉來架.......

見到有份好o岩小魚的工, 唔知佢會唔會試下呢?

5月25日

今日去左佐敦的一間教會做事奉
第一次(其實都唔係第一次)掂錢銀交易...
好驚會出錯... 要我賠就大煲

發現香港呢排賣的東西已經貴左...
場內果d宗教CD都唔例外

某人已經打左比我好幾次
但係我無聽到...
我覺得... 有d野我需要時間去接受...
但係事奉完之後, 可能我覺得感動啦
仍然決定打返去比佢...

5月24日

今日實在實在太忙, 忙到連返學的時間都無
我只有o係屋企鬥掂個project... 只好用d quota啦 ~
做完又要再翻跟... 哇...

神沒有將某人賜俾我... 可能係天意呢...
咁即係話我又有多d時間奉獻俾神...

5月23日(火)

發現大家考完試之後
大家反而越來越少見對方
可能如UNIX孝完MM考完
大家唔再需要見對方嘛...
這也是調整我地的關係的時候

回想從前某人是多麼好
當互相送禮物比對方果便大家都覺得驚喜的時候
送花的時候, 那個燦爛的笑容的時候
大家努力在那個宏大的圖書館內找朋友的時候
收到電子魚的時候
聽到某人話佢睇完我的信覺得感動的時候
去完camp之後得神的工作下, 佢突然打來的時候
..... 回憶越來越多... 想要抺拭也抺不掉
但我發覺近日來的日子...
我腦內, 就是那本厚厚的愛情日記
每一刻的細節... 我都刻骨銘心...

5月22日

神是我們的避難所... (詩四六1)
或許神要安排您出現, 就係要我引導羊仔返去避難所罷...

唔經唔覺 發現我有少少冷落左某人
點算呢... 不如呢幾日搵個機會一齊丫
求神可以安排比我啦~

小魚仍然每日都找我...
視我作為他的避難所
其實我覺得害怕...
佢見我同某人好似太親近
安排小魚這些羊出來...
使我不要太親近?
但我的心總覺得有少少虧欠左某人...
究竟神的安排係點架???


呢幾日仍然係o係BU度返training...
悶足7個鐘, 又眼訓...

5月21日

今日係星期天... 首次可以完完整整咁返到一次崇拜...

之前, 打左一次電話比某人, 約左佢去濕地公園...
好期待... 好期待...

小魚仍然當我係佢的"避難所"
我明白佢自身遇到一D挫折...
但係都好希望... 佢能夠再一次接近神
返教會讓多d人關懷您...
教會係一個更大的避難所

其實我對小魚的關心, 只係屬靈同伴的關係
就好似教會係基督徒的避難所咁...

20月5日 :-P

今日我地團契就去左飲下午茶
見到張枱有個飛機棋棋盤, 就一定有飛行棋喇
有飛行棋, 就一定係我地玩飛行棋的時候
之後我地就大戰UNO七大回喇... 結果我成日做大輸家...

小魚今日好唔開心...
佢去北京的願望落空左...
我都好同情佢...
佢想不透神的計劃係點...
就o係佢質疑的期間, 我攞出一個故事:
有一對夫婦, 係眼部有殘障的, 睇唔到野佢地後來有個女
佢地都以為係神的恩典
但係好景不常, 一次交通意外擺走左佢地個女
佢地覺得好傷心, 覺得神做乜事攞走左佢地個女...
佢地唔明點解神要咁殘忍
但係都要堅定咁相信神的決定

小魚我會多d為您祈禱
求神去確認您的路
縱使小魚的面前, 見到的係挫折
但此刻不去訓練您的意志
他日又怎能面對更大的挫折呢
別忘了您的前路...
多些和神說話
讓神比您信心
讓神就好似您的明燈, 指引您...

5月19日

今日同Amy去左理大睇福音劇...
我記得有一幕: 老爸講:"
您夠唔夠錢使呀?
其實您有無留意您個櫃桶度有錢呢...
神的愛... 就好似收o係櫃桶的錢一樣...
要細心發現, 才會感受到...
"
最後佢o係一次出街, 佢飲醉左
老豆出去接佢返屋企...
老豆見到個女的時候
個女飲到酩酊大醉...
有差佬話要"的"個女去女童院...
老豆立刻話: 佢係我個女來架... 我會處理架喇...
老豆此刻抱緊佢... 讓佢最終感受到父愛...

我真係對呢套劇有感動lor... 其實可能我同某人的關係...
我可能太單方面... 成日大想我自己想點...
可能呢個係神的意思... 我應該要好好想清楚
我同某人的關係點發展落去...

5月18日

今日打program打到傻.... +_+" <--- 正一膠人...

好討厭呀... 估唔到考完試仲俾program纏身...
不過都值既... 鬼叫佢係city...

無呀... 今朝某人要考試...
我打算盡我最後努力去叫醒佢返學考試...
果然佢的心係諗唔想考試...
我叫極都叫唔醒佢... 點呢?

太乖的女仔唔係好o岩我...
我亦對認真的女仔無乜興趣...
我的愛情的最大追求...
就係可以並肩走過生活的每一日
分享生活的喜與悲就夠...
我沒有華麗的夜服...
也沒有鋼琴, 又沒有大樹...
但我有的只係無限的相信...
相信為您創造的硬木頭...
大家都以為這個木頭燒不著...
但多得小小的花火...
去令木頭成為有用的燃料...

5月17日

今日搭地鉄返BU
見到有一到十七八歲的小情侶
當時個男仔 手執左一把長傘
用傘尖的雨水o係地上畫:
xxxxxxx (心) xxxxx <--- xxx 人名來的

個女仔好似睇到好陶醉
一齊o係度幫個心心畫花

而家d細路居然想到呢個浪漫的方法...
搞到我都好有心機睇埋一份

"向世界出發"的格言

只要願花心思
就能令身邊的人快樂....
向世界出發 / 意大利快樂的傳說

呢句話o係呢個世界越來越難做到
其實呢句話令我想起上星期日信仰廣場的討論
可能呢個世界越來越物質主義啦
面對各方面的物質引誘
有人專登死慳死來買個LV, Prada, Gucci手袋
甚至有一些"功利"的女朋友
一心要以愛去爭取一個LV, Prada, Gucci手袋
爭取去歐洲旅行
但係咁快樂咩? 物欲只會引致另一個物欲
這只會令到人會比物欲驅使 去做出一些影響道德的事
而去滿足自己的物欲
那何不降低自己的欲望呢?

點解一些人 自小就失去父母
又或者自小就有一些殘障的
家境雖然窮困 但生活並不痛苦
何解?
價值觀? 欲望?

愛せない愛したい(想愛不能愛) --- 東方神起

歌詞好感動...

「海が見たい」なんてつぶやき 僕の勇氣を試しているの?
視線はずし コ-ヒ-飮み干す 聞こえないフリはできてるかな

もしも そんなこと 知ったなら
アイツは 君と僕 一度に失うから

愛せない 君だけど 僕はまだ夢見てる
溶けるようなK-I-S-S 君に浴びせたい
愛したい この想いはあふれてく
愛しちゃいけない You' re my best friend' s girlfriend

時に愛は酷いものだね 出會う早さまで 決めてしまう

僕が君のその手をとって
奪い去ったとしても 何かを失うだろう

愛せない 君だから ココロだけ抱いてたい
本能にK-I－C-K 君に背を向ける
愛したい この炎は消せないよ
愛しちゃいけない You' re my best friend' s girlfriend

どの道を行けば ゴ-ルまで 誰も傷つけずに たどりつける?

愛せない 君だけど 僕はまだ信じてる
いつの日かL-O-V-E 君に傳えたい
愛したい この想いは止まらない
愛しちゃいけない You' re my best friend' s girlfriend

(ooh... can' t stop my love, can' t wait no longer, my love)

5月15日(2)

頭先無啦啦有個人MSN我
好熟面口... 但係又醒唔起邊個
心諗之下, 原來係我某科的tutor

同佢爹左數句 佢話今次果科好多人都無諗過佢會咁出
但係我坦言 今次呢一科係我入BU以來做得最舒服的一科

發現佢印野好鍾意1 開 2, 印lecture notes1開9...
呢個好似我o係city果陣先會做 鬼咩, 印野要帶紙嘛...
呢度係人都印1開4丫... 連紙都比埋... d人係咁亂fing
所以話BU d人真係好浪費...

5月15日

其實有好多野係個天整定既...
就算人係好辛苦好辛苦咁為左一個目標去做
到頭來只係得到一個痛苦的下場...

我其實係好擔心某人會唔會同我o係埋一齊...
但擔心來都無用, 若果係神有心要撮合我地,
就一定會賜機會比我地去o係埋一齊...

因昨晚的事 我們之間好像有左一重好大的隔膜
神呀... 我應該點做 請您指引我~~~

5月14日

某人生日喇~~~ (恭喜您啊~)
佢原來睇過我的禮物, 但沒有睇過內裡的信...
點都好啦 若果神允許的, 佢就一定會睇架啦~

今朝同佢傾左一陣,
用韓文唱左一首生日歌佢聽
雖然沒有中英法德生日歌
但我都有我的韓丫~

今日係返工日
發現某人的朋友正苦苦幫候某人
仲見到枱頭上有一份生日禮物添
等左成3個鐘
最後某人的朋友都走左...

ps. 生日當然要做自己喜歡的事
同最喜歡的人o係埋一齊
............................................ :-(

發現小魚呢幾日係咁睇我個blog...
但係佢要會考架喇... 掂唔掂架咁?
唔好炒呀, 炒左無工賠呀~~

5月13日

好感謝神賜比我呢個考試
便我覺得呢份卷係我入BU以來最淺的

今晚就要去食母親節飯了~
無辦法, 因我明天要返工
屋企人都好抵得諗架...

唔知聽日會係點呢???

5月12日

今日想起Dr Choi的一番話
佢識得有個朋友 佢擺喜酒
佢一數佢以前識過的女朋友
都己經可以坐得落成圍枱

今日終於送左份禮物比佢喇...
唔知佢係咪真係生日果日先拆呢?
唔知佢會唔會... 鍾意呢?

鋼琴

大定有無發現呢個網琴係開口的?
因為o係我心目中, 鋼琴唔止咁短
若果鋼琴係一種演奏生命樂章的工具,
就一定要一部可以容納2個人的鋼琴,
果度的key太少了, 生命的樂章起唔到乜野變化
但key的數目之多, 只要夠2個人坐的位就夠

今日鋼琴仍然開口,
但相信明日將會有一個我心目中的人
去完成另一半的鋼琴.

5月10日

某人好像唔係咁鍾意我份禮物...
唉... 我可以點做好~~~?

911的見證(轉載)

美國九一一死難者家屬的感恩

2003年9月11日，美國Northfolk, VA一位名叫Robert
Matthews
的男士，打電話到當地電台，講出了一個感人故事。

當年九一一前幾個星期，太太和我知道我們將要有第一個孩子。她便計劃到加州探望她的姊妹。往機場途中，我們祈禱求上帝賜我太太安全的旅程，和與她同在。我說完阿們不久，我們就聽到一聲隆然大響，一個車呔爆了，車子劇烈搖晃。我盡快換呔，但還是趕不上航班。大家都很不開心，便駕車回家了。回到屋內，我接到從紐約消防局退了休的爸爸的電話，查問我太太的航班編號，我便解釋我們錯過了班期。

爸爸告訴我，原訂的那班機，就是撞向世界貿易中心南塔樓的那架飛機。我震驚得說不出話。他還告訴我一些別的消息，並且說他要去現場幫忙：「這不是我能只坐著不理的事，我一定要做些事！」我當然關心爸爸的安全，但更掛心的，是他還未將生命交託基督。短短的辯論後，我知道他心意已決，而在收線前，他說：「好好照顧我的孫兒。」

那就是我聽到爸爸說的最後一句話。他在拯救行動中過世了。我為上帝應允我求太太安全的祈禱而生的喜悅，迅速變為憤怒：氣憤上帝，氣憤爸爸，氣憤自己。我差不多兩年來都怪責上帝，幹嗎帶走了爸爸，使我兒子永不能見到爺爺，況且他還永遠無法接受基督，我也永無為他送終說再見的機會了。

然後，大約兩個月前，有件事發生了。當天我和太太及兒子坐在家裡，忽然有敲門聲。我看看太太，知道她也沒預算有人到訪。我開了門，見到一對帶著一個小孩的夫婦。那男人望著我，問我爸爸的名字是不是叫JakeMatthews。我說是。他急忙握著我的手說：「我永無機會當面見到您爸爸，但我很榮幸見到他的兒子呀。」

他向我解釋，原來他太太在世界貿易中心上班，並且在襲擊時身在大廈之內。她懷了身孕，被困瓦樂之中。接著，他說是我爸爸找到她，為她解了困。想到爸爸捨命所救的，就是像眼前般的人，我不禁眼淚滿眶。他接著說：「有些東西您要知道的！」他太太接著告訴我，在爸爸努力救她的過程中，她和爸爸傾談，帶領了他歸向基督。

得知消息，我開始哭了！現在，我知道當我到了天堂，爸爸會站在耶穌旁邊歡迎我，而這個家庭，也可以親自向他道謝。事實上，他們兒子出生時，他們為他起名Jacob Matthews，就是要記念為這對母子而捨命的人。
這真實故事幫助我們明白了兩件事：第一，襲擊事件雖然過了兩年，我們永不要讓它只成為悲慘的回憶；第二，並且是最重要的，是上帝時刻掌管一切。我們可能看不到事情背後的原委，也永不知天堂那邊的細節，然而，上帝時刻掌管，生命在衪裡頭。

請用點時間，與您所愛的人分享這奇妙故事。您可能永不會知道這真實故事對人的意義，會否大得祝福、愛不釋手、心被恩感，或是感到上帝週全的保護．．．

5月9日

終於又碌過2科喇...
唉... 感覺到某人就快要攰到爆炸咁...
不好意思打擾佢...
唯有為佢祈禱啦~ 希望睡過之後令佢更有精神準備考試啦

終於買左比佢的生日禮物喇...
大家又估下係乜丫...
但係答案只有佢本人先知...

5月8日

今日考第一科... 日文...
都還叫可以既份卷, 但我怕比人屈...

今日咁鬼晒... 總之我來緊日日都查防晒返學.. +_+!
認真膠咯... 呵呵呵~

今日見左某人一陣 我送左佢落小巴站搭車就走
佢見到我就有覺得興奮的感覺, 呢個我睇得出
我還是好好勉勵佢... 好好溫書喇~ 不要衰比我睇

我自己都係走去溫SW科啦~ 聽日先諗生日禮物的問題

5月7日

哈... 今日又係返工日
無呀, 而家好努力咁勉強緊... 18號前好少再機會上來貼blog

同某人傾左一陣, 知佢終於dig起心肝勉強... 好開心~
佢終於肯為自己努力喇~
希望佢可以o係考試度發揮所長啦~

但某人講到好似趕我走咁... -_-
究竟搞乜?

某人快要生日, 唔知買乜野比佢地呢?

ps. 勉強 = 日文字, 意即操練

5月6日

勉強中...

其實發覺呢個教會的人都唔錯丫...

5月5日

今日放假唔駛返工... 所以好似百無了頼咁...
溫書吧! 係時候要做d野架喇

朝早12點幾打去叫醒某人, 叫佢記得交功課
結果佢要15分鐘之內出門口... -_-"

我就唔阻佢... 等到5點鐘才打去搵佢...
佢好像有點心事吧...
可憐的公主... 若果我能夠為佢分憂就好~

東方神起的新碟...(其實好似出左好耐...)

個封面起掂~~

Heart, Mind And Soul


[오래된 영화같은 사랑을 할 수 있다면 좋을텐데]
이렇게 말하며 쑥쓰럽게 웃는 그대
평소의 나라면 계속 떠들어대겠지만
그래, 하지만 오늘 밤은 특별해

Oh why… 마음은 계속 헛돌기만 하지만 느껴줘 My heart, mind And Soul
Oh why… 그렇게 맑은 눈으로 나를 보는거지?
아무 말도 할수 없게 돼

오래된 영화에 나오는 듯한 말은 해줄 수 없지만
그래, 하지만 오늘밤은 특별하잖아

Oh why… 말은 아직도 멀리 돌아가기만하고 전해줘 My true love to you
Oh why… 그렇게젖은눈동자로 나를보는거지?
무엇을 생각하고 있니

어떤 사랑도 결국 끝이 온다지만
우리의 인연은 이대로 사라지지 않아
Don't ask me why
(Don't ask me why?) Why? (Why?) Why? (Why?) Why?

Oh why… 마음은 계속 헛돌기만 하지만 느껴줘 My heart, mind And Soul
Oh why… 오늘밤은내가마법을걸어줄께
그대가 한 번씩 눈을 깜빡일때마다
나는 하나씩 소원을 이룰거야
속삭이는 (우리의) Heart, mind And Soul

5月4日 感謝日

感謝神的工作... 今日某人突然打來... 話佢想同我一齊食飯...
當時正好打算上又一城食飯, 就o係我走去飯堂前
我突然想行下royal sports同馬拉松, 但最後無野想買
就係我出來之際, 就聽到了這個消息...

那是緣份告訴我... 我們的關係還死不了...
之後我們就走去扭蛋喇... (那是第一次一齊去扭...)
佢好想扭一隻好有的高達... 之前扭左幾次都係佢好唔想扭到的東西...
但想不到埋到扭蛋機面前, 見到隻扭蛋就係好似好想扭到果隻...
見到佢果雙腳... 紅色的...
大家都o係度估估下...
我就二話不說, 找了個10蚊出去唱... 唱左2個5蚊去博下運氣
結果就真係果隻... 我同佢都好開心~
第一次同佢一齊扭就扭到咁大的驚喜!

5月3日

不經不覺... 部電腦已經勁死...
希望仲可以捱到2個week <--考試week
之後就又幫佢大執...

今日好似百無了賴咁過左...
溫M Comm, 裝Debian...
下午出左去飲下午茶...

夜晚同某人講左一陣電話
得知佢要去上海旅行...
好吧... 就為佢送上祝福,
希望佢可以順利成行啦~

感情大作戰成功日(5月2日)

好感謝神俾我的一個機會, 佢要我好好對待我的某人...
雖然今日我真係幫唔到某人d乜野, 但係我明白佢欣賞我的, 係我的心
經過今次的事, 我同某人的關係已經進左一步... 我自己感受到...
但我真的更加要學會... 同某人之間的相處之道...

今日考practical, 條photoshop簡直係難題... 算吧... 唔識就唔識...

之後返左去city好好咁支持某人的present...
佢為左今次的present真係不遺餘力...
但悔恨的係, 我只可以o係外面睇住佢, 唔可以走入去幫佢做埋一份
我只好把present的事交俾神吧...

小魚今日打左俾我2次... 我地講左一陣笑, 但係我知佢會考...
所以我都好應該為佢祈求下... 使佢能夠好好發揮佢所學佢所識的...
佢問到要我幫佢搵工, 我唔係唔想幫佢, 但我都無乜呢個時間... 唔好意思...

感情大作戰第10日(5月1日)

真正的5月1日去左camp...所以要今日貼返

今日好正式咁過左一日全身基督徒的生活
由早上的早飯祈禱, 靈修, ... 到午後的講道, 敬拜神, ...
今日我先覺得神俾我的, 都係最好的...
仲有我感謝神恩賜的呢段緣份... 請教我好好珍惜吧

基於前日的聲嘶力竭底, 敬拜完之後開始喉嚨痛... 口乾...

好感謝的, 我識到一班教會的朋友啦...
雖然係唔同團, 但係大家都傾得好投契...
我都keep起佢地的contact, 第日再聯絡...

更加感謝的... o係坐船返來香港的中途, 某人打比我~
佢終於要我幫佢手做UNIX... 真感恩...
雖然時間唔係好夠, 雖然我聽日仲要practical exam, 但我會盡力盡心...

返到來好攰, 好想訓覺, 但我明白某人聽日要用碟, 我一定要捱到燒埋碟為止