3월31일

唔知乜野係叫道理呢?
點解d人一定會只從programmer的角度去諗UI呢?
或許係果d人實在太專業...
講起真係火...
唉~ 算啦... 希望我仍可以好似某人咁
訓醒覺就乜都唔記得哂就好~

今日返工日, 又見到某人喇...
某人呢幾日的忙碌已經虛耗過度...
好好抖下啦~

上堂... 呀"苯"好似好"關心"我咁... 好驚... *_*

3月30日

今日終於叫可以好好抖下...
但係大戰好快又來過...

無計, 星期一要present嘛...
個rationale都仲未寫...

某人今日test 呀... 唔知佢搞成點呢???

好想落街行下... 但係...
好似有d隱憂... 聽日起快要忙死...

23:30 唔知某某而家係咪仲o係度忙死呢...
好好地忙埋聽日的present啦~ 我聽日一定會叫您起身架... 一定~

超級黑色星期一

超級黑色星期一終於來了~

由昨日起14:00-21:30 返工
10:30 返到屋企
11:30 沖完涼, 食完飯, 攞SW天書出來溫
02:00 瞓
06:15 起身, 梳洗, 出門口
08:30 上日文
10:30 上SW堂
13:30 終於可以俾我抖2粒鐘... 但最後要搞squeence diag的東西, 無得訓
15:30 soft end 開會
17:30 mcon開會
19:30 返去soft end 開會
21:30 走...

惡夢... 好唔想再過呢既日子
好似呢排連真真正陪某人的時間都少左...
唔知佢會唔會因此而唔開心呢???

3月26日

成日都好攰... 唔知點解...
昨晚發夢夢見某人...
佢好像在等緊什麼咁...
當時佢仲著住一件粉紅色的puma衫(??) (我有果件)
大家就好似著左情侶裝咁...
但悔恨地... 我地既手, 無拖埋一齊就醒左
之後就只有勉強地訓得返喇...

佢成日都無聽過電話... (好愁...)
只係o係MSN度傾過計喇...
好似好忙咁...
佢星期四要測驗喇...
希望我可以真係幫到佢啦~
努力呀 ~~!

返工, 見到電腦枱上的都係...
Oreo, 麥提沙, smarties, 明治像皮糖, 麵包, 飯盒, ...
terrible...

3月 24日

今日返左去City, 就走去搵某人...
某人問我今日食乜好
我毫不猶疑地就答佢去雞記...
估唔到佢身邊的人又係咁提雞記喎
搞到佢又好想食雞記...

今日o係BU上"苯"堂... 呀"苯"成日係咁離住我...
唔知我有d乜野好望...(係咪我不停係咁send SMS關係?)

今日不停想起昨日獻花俾某人的樣子...
佢真係笑得好開心~~
唔知係咪真係有送花的日子呢???

3月23日

今日收到個電子魚缸呀...
好得意... 但不過發現內裡粒電係用大電芯
逼住唔可以用叉電, 好唔化算...
所以計劃緊改做用AA電芯...
不過, 好感激送禮物俾我的人...
我既感激佢的禮物,
更感激佢的心...

睇下d相先~~~





今日上lab教photoshop...
教點樣可以幫成面暗瘡的人消瘡...
教點樣可以幫人查SK2、拉妮滋...
都好有用架...
唔知某人又會唔會想學呢???

呢幾日做野做到好攰, 都係俾自己效縱一日吧!

3月22日

今日上RP... 聽到一個好奇怪的理論...
有人話:
"雪卡毒原本就有,
但因為人類到深海捉魚...
所以就會有機會感染到雪卡毒
人類應該抽離這個食物鏈......"

咁好有問題...
咁如果呢個理論成立,
咁食豬會有大腸桿箘,
食牛會有瘋牛症,
食雞會有禽流感...
係咪唔好食野最好???

都唔知d人點諗野...

3月20日

嘩... 藍梅芝屎蛋糕啊.... 好像不錯地好味...
如果架埋杯Earl Grey就好喇~

3月19日

今天又是返工天... 但今日就格外地悶...
返工又是這樣的過, 無乜特別...

原來某人只係好早就訓著左... 嚇得我......
可能佢只係太攰啦... 好快就訓著左...
不過這已經唔係重點, 只要佢沒有事, 就已經很好~ hehe...

今日件衫中左通拿(Tonar)...
我急急腳落去洗, 又梘液又水...
死喇... 件衫買左成百幾皮架~
一定要救返佢...

返到屋企, 又是天昏地暗的project天...
死咯... 攞命咩???

不過12個鐘, 又再又我屋企返去九龍塘去...

3月18日

今晚某人好像沒有出現...
真係好擔心佢有d乜野問題...

而家先感覺到, 過每一分鐘, 係幾咁難...
以為過左一粒鐘
點知只係過左5分鐘
就已經想打去問下佢o係唔o係度
轉行問衰鬼, 衰鬼無反應...
唔通... 唔好驚唔好驚...
振定一點...

3月17日

今日又係星期五...
終於係個似返d樣的星期五...

一上完BU的堂, 開完會之後
就走過去City搵某人...
當時佢仲搞緊個Director
我毫不猶豫就走去幫拖
幫完就同某人走去食飯
我明白我倆雖然好忙
但係一講到大家要見面的時候
都挌外興奮...
但係佢好似好攰........

之後放工就送某人走...
但我就要夾在某人同某人的老師中間
無所謂丫... 只要能夠見佢,
什麼時候我都願意

[轉載]心靈麻醉劑...

from here!

心靈麻醉劑
給心靈一劑麻醉，
讓感覺不再真實，
過濾掉所有的不快，
彷彿又回到了從前。

同樣的人，
同樣的情景，
同樣的心情，
歡樂與不快，
都成就共同的幸福。

當藥性漸漸減弱，
當思維慢慢清醒，
想痛哭卻沒有眼淚，
只剩下痛苦的呻吟。

人已離去，
景已不再，
情已變味，
歡笑與悲傷，
僅餘下一人獨自體會。。

或已成癮，
心靈麻醉劑。
虛假的歡愉，
清醒的苦痛，
無法擺脫的罪。。

大口吞嚥著甜甜的奶油蛋糕，
壓蓋著心中早已泛濫的酸與苦。
再給自己一劑心靈麻醉。。。

按: 好有同感... 唔知某人可唔可以俾我心靈麻醉劑呢???

3月16日

自從入左來BU之後, 發現自己肥左...
波波大左, somewhere的肌肉結實左
咁可能係入左來Keep住有做占Gym

但係肚腩又大左...
照計唔會丫, BU can d野咁鬼難食...
可能係覺得BU can d野真係太難食
去又一城開餐的次數多左
加上又有part time job 做
自然好想食好d, 食好d...
咁就肥左...
唔知要做多少Gym先可以keep返呢??

3月14日

這個星期二很早就落了堂...

就打算落深水(土步)行下...
已經好耐無去過果度喇
於是就o係City果便落去深水(土步)

行經石硤尾的那間OK
見到有隻新的東東, 生日snoopy
就打算買隻來送俾某人啦...

o係深水(土步)踱步左2粒鐘
就返去City見下某人先...
勢估唔到今日佢還有禮物送俾我~ 唔知點解...
兩次都係咁o岩咁橋, 呢d係咪緣份呢?

3월 12일

今日星期日... 又係返工天...
原本又可以見到某人架...
但係佢又唔知醒無返
放左我同衰鬼的飛機...

無架... 原本我仲諗住整個
「京都念慈庵」俾佢潤下喉添...
結果咪又係哂我d心機.........
咁唔得架喎... 我一定要去製造機會...
但係點製造呢???

貴價玩具...

之前講既果部玩具就係呢部芝蒸氣機喇... :-)
好型架... 不過賣成八舊水... 係咪值得買, 要諗諗...

3月 10日

原本令朝好開心的...
因為今日係星期五
除左係返工日之外, 又可以見到某人

原本約左某人o係中午食飯
但係大慨大慨中午聽到一個失望的消息之後
我就開始變得神色凝重...
成個人開始落哂形...

返工更加漏百出添啦...

又再次變果個神不守舍的我... -_-"

好希望今次只係一個誤會啦..............
---------------------------------------
唔得... 我以後一定會俾多d耐性...

3월 8일

今日打算同大家講下人生道理...
一個人, 係咪一個值得您去愛的人(包括係戀人、朋友、...)
可以問下佢一個問題:
"其實您覺我有d乜野好?"

如果佢話您靚仔, 我想您40歲之後一定離開您
如果佢話您富有, 我想您有一身敗名裂, 佢一定離開您
如果佢話您慷慨, 我想您o係街上見到有個乞丐
o係街上問您討錢, 而家又剛巧糧尾, 您一文錢都渣唔出來
佢一定離開您
如果佢話您勤奮上進, 假使您有一日不幸失去工作能力
佢一定離開您
如果佢愛您身上的所有野, 恭喜您, 佢係一個真正值得去愛的人
好好想下吧!

今日我被逼換左MSN... 新的msn係 hw0108@gmail.com
各位有個MSN的人請試下add我一次先. 唔該

非常可憐的母親

Yahoo News: 獨力撫養五女 做兩份工日捱19個鐘 慈母累死

其實生唔到仔呢樣野係天意來既... 點解又過份怪責自己老婆呢??
生左出來係上天的安排, 又點解要咁努力去追呢??
結果搞到一個母親獨力去take care五個細路... 真係痛苦...

3월 6일

又試碌過一個黑色星期一...
不過今次的心情好唔同
唔再覺得黑色星期一有d乜野咁痛苦

由昨晚開始, 心裡已經有一份莫明的興奮...
夜晚開心到訓唔覺...
朝早上堂特別開心...
連SW都唔知我做乜咁開心...
我只係笑住答佢一句: "無野呀~"
(我知SW大概都估到架...其實)
但係日文功課又唔記得左
M com要睇書又唔記得左...
好像乜野都忘記哂咁...
但唔緊要啦... 多謝神俾我呢估咁美麗的一日

3월 5일

今日又係返工天....
返工之前, 打算順道行開又一城的City Super
就買左個攪珠鬧鍾送俾某人... 買的時侯, 還o係度心大心細
究竟某人會唔會鍾意呢???

原本某人係會返來聽我講UNIX Admin的...
結果佢終於出現喇...
我第一時間送左果份禮物俾佢
佢好像很意外...
但我同時覺得意外的
她竟然還會送禮物俾我喔...
係一隻Keroro扭蛋...

多謝您呀!!!

聽日又係黑色星期一喇...
今日的高興
令我不再怕聽日的辛勞...

3월 4일

今日禮拜六, 又係團契日...

今日無導師o係度, 無乜特別的教訓講
但係未來導師的那個"塔冷通的故事"
o係中學卻係聽左十萬次

發現今日之後 我更加代入團內的環境...

完左之後, 去左花卉展覽...
d花好靚... 之不過可惜的係...
去到都已經5點.... -_-"
影左少少相, 敗興之歸...

3월3일

今日發現, 唔知點解benzene成日望住我...
係咪佢又裝到我帶左上年果份system spec返來?

之後去城大返工... 之前走去log on 行下...
見到有部好精美的"玩具":- 蒸氣機...
好型架... 聽日俾張相您睇下...
但成8舊水... 無錢買...

終於又見到某人喇...
原本想同某人一齊食飯...
但係可惜自己頂唔住肚餓... 走左去南山村食飯先...
唔好意思呀... 至多下星期丫... 我一定會搵時間出來一齊食飯架...

今日衰鬼又無攞豆袋來... -_-"
不過呢... 澄清一點... 上文的某人 != 衰鬼

其實我係好想知, 究竟某人的心... 係諗乜架呢?

Can Can兔生日快樂...